COVID-19 ආසාධිත යැයි දැනගැනීමට ලැබීම, ඔබට මෙන්ම ඔබේ පවුලේ අයටත් පීඩාකාරී වෙන්න පුළුවන්- මේ පීඩනය ඇතිවෙන්නේ සෞඛ්‍ය තත්ත්වය නිසා වගේම නිරෝධායන මධ්‍යස්ථානයකට හෝ රෝහලකට යාමට සිදුවීම නිසයි. පරීක්ෂණයේ ප්‍රතිඵල ලැබීමෙන් පසු, නිරෝධායනයට/ රෝහල්ගත වීමට සූදානම් වීම සඳහා අපට ඇත්තේ ඉතා කෙටි කාලයක් නිසා, පෙර සූදානමින් සිටීම ඉතාම වැදගත් වෙනවා. නිරෝධායන ගමන් මල්ලක්, පරීක්ෂණ ප්‍රතිඵල ලැබීමට පෙර ලැහැස්ති කරගැනීමෙන් නිරෝධායන ක්‍රියාවලියට/ රෝහල්ගතවීමට පහසුවෙන් අනුගත වෙන්න උදව් වෙනවා. එවිට අපිට ඇතිවුණු පීඩාකාරී බව පාලනය කරගන්නටත් පහසුවෙනවා.
